有冇覺得老公頭髮少咗、去廁所頻密咗耐咗、情緒起伏不定、脾氣暴躁、失眠，甚至冇咗夫妻生活？
好可能佢已經開始進入更年期，其實由40歲開始，男士製造「睪固酮」嘅能力會逐漸降低，「睪固酮」係維持男性年輕活力嘅重要因子，隨年紀增加，「睪固酮」會加速轉化成二氫睪固酮（DHT）或者雌激素，雄性因子減少，就令男人進入更年期！
毛髮變化
「睪固酮」不足，加上生活質素差，運動量不足等，導致男士到咗一定年紀就會開始逐漸變肥、脫髮或者加劇衰老，特別係身體形成嘅二氫睪固酮DHT增加，導致毛囊過早成熟，頭髮生長週期縮短，就會提早脫落。但係其他部位嘅毛髮，例如：眉毛、耳毛，反而會因為男士更年變化而加快生長，呢個時候佢哋可能出現眉毛變長變粗等情況。
前列問題
二氫睪固酮DHT增加仲會導致前列過度發展。如果男士發現自己去廁所時間長咗、水柱細咗，甚至變成滴滴仔，好可能前列已經出現問題，要及早搵醫生檢查一下。因為長期落去容易引致發炎，誘發其他疾病，所以要特別留意！
情緒波動
男性更年期同女性更年期有幾分相似，就係容易發脾氣、喜怒無常，過咗40歲之後突然情緒波幅大咗，好可能因為荷爾蒙變化，體内睪固酮分泌減少，仲要轉變成雌激素，真係成個女人咁！
以上種種原因，你身邊嘅男人可能自信心低咗，前列又痛，自然冇心情維繫夫妻生活，兩個人感情都差咗。
要延緩男士更年，記得注意保健，除咗運動，食啱食物都好重要：含鋅食物，例如：蠔、南瓜（特別係南瓜籽）等，可以增強男士體能，促進睪固酮分泌，研究顯示，體内鋅不足，睪固酮水平容易下降。
Omega-3
Omega-3有助強化心血管，防止血管老化，阻止壞膽固醇積聚。一啲堅果類食物能夠提供男士足夠能量，除咗含有Omega-3，仲含有大量輔酶Q10，幫助細胞得到能量，激發男性能量。牛油果、三文魚、西蘭花等等，都係男女士對抗更年問題嘅超級食材。
番茄
番茄，含有番茄紅素能夠守護前列，預防前列發炎，改善紅腫，令你去得舒暢，而且含有豐富維他命，有良好嘅抗菌功效。
鋸棕櫚子
如果想增加保健功效，鋸棕櫚子可以抑制睪固酮轉化成DHT，對維持男士體内睪固酮好有幫助，可以預防男士脫髮問題，同時守護前列健康。